Transcription
1
Monsieur, je vous iscripvis du XXIX du passé par le sieur de
2
Crapone, lequel je cuyde est avec vous despuis nest
3
rien survenu digne de vous que le partement de monsieur le conte de
4
Tende pour la court. Votre nepveu de La Coste est alé avec luy.
5
Je croy bien quil se sera avancé dung jour en de dans passant
6
en Avignon avec monsieur de Nevers et principalement pour
7
aller veoir monsieur et madamoysele d’Orches à St-Gervays.
8
Janctant mesmes que mondit sieur le conte a assuré monsieur de
9
Nevers le trouver en chemin. Le sejour de cinq ou sis jours quil
10a faict en Avignon [barré : est ] a esté pour attandre quelque atgent
11
pour son voiaige de la court. Lon ma mandé que lon a asigné
12
les mortes payes de Provence pour ceste année sur la recepte
13
de Montpelier et quon a faict grand retranchement et
14
mesmes au château d’If de douze cens francs de mon estat et de
15
quinse mortespaies. Vous pouvés pencer, monsieur, si ce nest
16pas [barré : tre ] bien le moien de me rembourser de ce que javey fourni
17
pour le paser. Je me rengerey à ce quil playrra à sa ma-
18gesté, mays je creins que son service ny soyt pas faict [barré : coment ]
19
einscis que je desire et quil seroit requis. Je voudreys à voir moien
20
et ce bien destre près de vous pour vous raconter ce que lon a faict
21
jusques icy pour le parachever le mariaige du sieur de Vins
22
et de la demoiselle de Sault, et vous monstrer les doubles des lettres
23
quon luy escript de ce pays pour cest effect et ce que la roine
24mère et monseigneur le frère du roy [barré : par ] en ont dit à monsieur
25
de Sault et ce quil leur respondu, que a esté fort saigement.
26
Je vous en ferey le recit et vous en entiendray quant nous nous arons ce bien de
27nous veoir pardeça. Je vous avoys escript [barré : par ] en responce de [barré : la votre ]
28
cele que mescripvites par le lacquey du cappitaine Lisle, mès jentans que
29
la minute et les aultres quon vous adressoit ont esté esgarées par
30
ung soldat dudit sieur de Lisle einscis quil a escript à monsieur
31
de Evènes. Ma femme, avec mon fils de Bautmettes, sont alés ce
32jourdhuy [barré : veoir ] à Gargas à pied et i ont mené [barré : ma ] toutes noz
33filles. [barré : Je ] Jespère que ma fille de La Coste sera grosse, Dieu eydant,
34
le quel je supplie vous doner
35
monsieur très bone, longue, heureuse et c[ont]ente vie, avec sa très sainte
36et digne grace, saluant les votres de mes très humbles [barré : reco ]
37
recomandations. D’Apt, ce XVIe de septembre 1571.
38
Votre plus umble cousin et affectionné
39
Serviteur
40
De lacoste
41
Le tiercelet de votredit nepveu cest telement
42
rebattu quil tourne la cues à tous coupz aus
43[barré : perris ] perdris et ne seras pas èsé à le remettre
44
coment ma dit celuy qui le pensoit.